驚心動魄的一天

昨天到了大尾督食lunch
又到堤壩吹吹風
過了一個十分舒適寫意的下午

但我們在回元朗途中,竟然遇上了交通意外!!!

事發時
我正在拼貼在大尾督的照片, 然後upload上facebook
因為一直低著頭, 沒有關心路面狀況
所以, 我完全不知道發生甚麼事

當時我只聽到"澎"一聲的巨響
一抬頭, 就看見眼前的車頭玻璃碎了
整架車在公路上打圈!!!
轉了一兩個圈, 我們的車才停下來
我還傻呼呼地問 : 咩事呀, 有野跌左落黎?

下車後, 我才看到車頭整個撞毀了
公路不遠處有一輛貨車拖頭停了下來
才意會到是撞車了

stone 跟我說
當時我們在公路的快線,
突然我們的車"un" 到異物
於是, 我們的車就撞上了隔離線的拖頭

下車時, 我心口很痛很痛
應該是被安全帶勒親

當我們在路旁等候救援時
我越等越害怕
回想剛才實在太危險了
萬一我們車子在公路上打圈時, 其後的車輛收掣不及, 撞上我們, 情況肯定更加嚴重

我亦驚訝自己發生意外時這麼冷靜
身為喊包的我竟然沒有哭
下車後, 在安全地方等候救援時
我還拍了照片, 真係"唔識死!!!"

你看
我們的車子報銷了, 打圈後, 車子是打橫停在慢線上...
我的座位前的玻璃碎了
幸好是強化的玻璃, 沒有碎片彈在我身上

因為我頸和背脊有點痛
為安全起見
我被救護員緊緊的包紮住, 用救護車送往醫院,再抬到A&E
(是超級嚴重的模樣! 戴了頸箍, 亦戴上橙色方形的定位架, 全身繫上"安全帶", 動彈不得)
我是獨個兒被送到A&E的
因為stone 要留在現場錄口供和等候拖車

一個人在A&E等候時
簡直與世隔絕, 幾經辛苦我拿了電話出黎
怎料完全沒有訊號
只好繼續躺在床上
想了很多很多
越想越覺得我們很幸運
車輛在高速公路出意外, 嚴重得像拍電影般打了圈, stone亦沒有受傷, 我只是少少痛而已
說真的
發生意外當時
我沒有十分害怕, 也許是我根本不知道發生甚麼事, 沒反應過來,
也許是當時他在我身旁, 告訴我"無事無事", 給我很大的安全感

獨自等候醫生檢查 , 照了X 光
stone 和他爸爸都到了醫院找我
X光顯示我的骨沒有受傷, 我應該只是拉傷了頸和背脊的肌肉
我拿了報告才告訴家人我們遇上交通意外
結果被媽咪鬧了, 哈哈, 說我這麼久才告訴她

stone一整晚不斷跟我說"好在你無事" , "你有事我點算"
說了十百萬遍, 又不停問我痛唔痛
看得出他十分擔心我, 亦很自責沒有把我保護好

我相信
經歷了這次意外
我們的感情會更堅定更牢固
有多少對情侶會一起經歷這些"生死時刻"??
他說 "我地依家兩個人一條命喇"

我相信
大難不死, 必有後福
我們以後一定會平平安安, 健康快樂的!!

意外就是意外
這次真是不幸之中的大幸
雖然車子報銷了, 但我們沒有受甚麼大傷害
真的很很很很很很很幸運!!!!
性命, 健康才是最重要啊!!


後記:
我們報警後
竟然有一輛車撞上了停在不遠處的拖頭 (即我們撞上了的那架拖頭)
你看
我們是不是很幸運!!
公路的車真的很容易收掣不及啊
消防和警察到場後
都很驚訝, "下? 三架, 唔係兩架咩"
然後反覆問我們有沒有人被困
有一個消防員說"嘩, 三架車都無人trap , 咁好彩"

對
我們是幸運兒

新Blog

知道yahoo blog 要shut down已經一段時間
但基於我太懶，一直都未處理搬blog 的事
連blog 都兩個月無update!!

今日我終於的起心肝搬左個blog 黎blogger.com
哈哈, 覺得自己好叻
download unzip 的software,  又download BlogTrans, 又第一次用google drive
又要學咩咩xml file
搞咗一晚
終於成功搬晒d 野黎呢度

我係唔會荒廢呢一個blog 的
其實呢兩個月響wedding preparation 上有好多大進展
好多野想share (雖然.... 無晒yahoo blog 的朋友仔)
我呢幾日會補返的

P.S.

不知不覺
又係30號喇
仲有5個月乍!!!

My Purple Boxes

尋晚stone話今日佢會響灣仔返工, 放5點,
所以約我今晚食飯

我今朝起身刷牙時
突然靈機一觸
醒起, 既然佢響港島返工
不如今日順便去拎wedding bands 啦

Boucheron 星期一至日都係7pm 關門
如果平時stone 響九龍灣6pm放工先過海去中環的話
時間會好趕
(我地睇款時摸過門釘啦....7:05pm到, 失望而回....)
(另外, 其實兩個月前已經想拎戒指了... 不過當日我返工出左門口先記得自己唔記得拎單, 哈哈)

平時放4:30pm 的我
好日都唔洗OT
今日竟然要!!
份份job 都話urgent, 份份都話今日要due
搞到我遲左一個鐘先放工

6pm 終於去到Boucheron
嘻嘻
d 字刻得好靚呀, 好滿意
係 PS ♥ 30 Mar 2014

原來Boucheron的盒係紫色架
襯晒我個名, 哈哈
不過, 佢係一隻戒指一個盒
都幾bulky
個staff 有問我會唔會有ring pillow
我話會有呀
於是佢另外比左一個皮袋我, 有兩格, 可以放戒指的, 佢話方便big day 新郎or伴郎袋響身
很體貼啊


別的女生
engagement ring 希望是藍色盒子
wedding bands 希望是紅色盒子

我就對我的紫色盒子相當滿意喇

戒指款式保持神秘, 哈哈




經過一波三折
我終於終於終於帶左你地返屋企喇!!!

由睇中佢à 發現Boucheron 撤出香港à聯絡dealer à聯絡Boucheron HK officeà等待Boucheron 店回歸àBoucheron開張但無我想要的款àBoucheron專誠為我運送呢一個款到香港à試上手à正式落單àBouchreon訂錯男裝sizeà重新重歐洲訂回港à刻字à接收製作品

前後足足經歷左年半!!!係年半啊!!!

對戒指可以話係我地"wedding" 內, 令我最期待已久的item!!

終於順利拎左佢地返屋企
感覺上又完成左一件大事, 哈哈
好滿足 好興奮 好開心

Zara又執相

結果麻
我都有不厭其煩地要求ZARA幫我further edit 幾張相

因為要揀相做油畫, 相架, postcard 時... 真係揀唔落手
唔係角度奇怪, 就係比例有問題, 一係就個人太肥唔多滿意...

好友和妹妹都建議我揀一張我地訓響地下影的相
唔知點解
我一向都無將佢擺入考慮之列
不過比佢地講講下
又講得ok 喎
但係
我放大黎睇... 就發現因為我合埋眼, 對雙眼皮膠紙非常礙眼
如是者
為左要揀呢張相做油畫
我要求ZARA幫我執走對雙眼皮膠紙
咁橫掂都係執
就叫佢執埋, 我要求左兩次, ZARA都無幫我執的黑影
有兩張響主教山影的相, 好明顯我塊面有黑影...
令塊面好似崩左忽咁, 依家佢終於幫我整淡左,
順眼左... (yeah!)

其他... 我話影到我好似豬咁的相... 算啦, 真係放棄喇o個D

好
比兩個comparison 大家睇

哈哈, 相片壓縮左
睇得出分別嗎?

其實啊
有另一張相, 都係響STUDIO, 都係訓響我件婚紗上
我地兩個個表情好D, 個樣靚D, POSE 都好D架
仲有, 係真係P&S, 我響左邊, STONE響右邊
不過!!!!
竟然呀攝影師成隻鞋入左鏡 !!
仲要響我地個頭附近!!!!
係點crop 都crop 唔到架lor !!
於是被逼放棄

anyway
ZARA執相正式告一段落喇
澳門的41張相, 可謂.....算~~
有9張靚的studio 相, 我已經心滿意足
(咁諗會開心D)

打親電話去Zara
10次有9次都話呀AMY放假
佢地話, 全公司得AMY一個人handle 執相同product
有咩問題, 其他人都唔識得處理...
所以要等佢返黎....

好, 我等~


咁大間公司
單靠一個人負責所有客的follow up??
犀利啊~~~


另外
分享埋唯一一張候選做油畫、相架or postcard 的澳門相 (哈哈 其他候選的全是studio 相, 即係來來去去都係o個幾張)

STONE想揀佢做油畫的, 不過朋友話個前景太多了...
呢張係絕無僅有, 我地會喜歡的澳門相, 哈哈

 

YEAH!!!

實在太興奮!!!!
籌備婚禮以黎, 我問過媽咪幾次, 佢都唔批准我邀請已婚朋友做姊妹
於是我一直都好迷茫
一直拖一直拖....
到依家
距離big day 只有七個多月時間

今日突然有一鼓衝勁
好想wedding preparaton 有返d 進展
我實在停滯左太太太太耐

今日6pm 就返到屋企
一路都好心驚膽跳
好想睇準時機問多次媽咪
結果.... 食完飯, 睇緊電視時
我終於開口問
佢竟然話 "你鍾意啦"
嘩~~~~ 佢終於回心轉意喇, 我終於得到佢的批准!!

好開心啊
好開心啊
好開心啊

我已經問緊好友們
好緊張呀
妳地唔好reject 我啊
我會好傷心的


另外
既然好難得有衝勁
我約埋媽咪星期六一齊去睇下媽咪衫
都係時候要物色下了

我短期目標係
9月尾前
要訂好花球, 揀好租媽咪衫的舖頭, 揀好姊妹裙的舖頭

我要加油~


btw
今日同小學同學whatsapp 左好耐
兩個準新娘子互相update近況
感覺很好
同學仔, 我地一齊比心機籌備, 一齊做快快樂樂地做待嫁新娘子啦

花多眼亂

兩個月前
我話自己的結婚籌備工作停滯不前...
哈哈
依家情況都係差唔多

過去的兩個月
我只係睇過同comment 過Zara pre wedding 相
同埋開始物色big day 當日的花球

真係花多眼亂啊
睇了幾十個vendors.... (甚至過百個?!?!? 睇左好多日)
有好多款都覺得幾靚
但偏偏無一個係令我情有獨鍾的

我希望big day 當日用新鮮花球
但我發現... 好難有一個花球可以match 到褂, 又match 到婚紗... (其實最好要match 埋迎賓gown)

所以我決定用粉紅色的花球
跟住一路睇一路揀
有興趣的, 都同我pre wedding用的絲花花球好似, 哈哈哈

到目前為止
我save 低左二三十款花球的相做reference
但佢地來自十幾個不同的vendor...包括悠美花藝, Cuico Florist, Trinice Flower, K’s Floral, Floral Field, Gloriosa, Heart Wedding etc...

點揀好呢....

以下係我save 低左的部分花球...

啊~~~真係唔識得揀啊~~~~

(同埋, 我成日覺得... 就算比左reference photo 個vendor, 出來的效果都可以好唔同啊, 因為要depends on 當日d 花的質素同顏色....)

Zara 執相??

真係好想放棄輯ZARA 相...

比完first comment 後
話要等一個月先可以睇edited photos
點知
原來Zara 執好左係唔會通知客人的~~
要客人自己log in 個platform 睇
枉我以為佢執左個幾月都未執完

anyway
問清楚, 上platform 自己睇
車.... 執左同唔執有咩分別??  我睇唔出...
我已經半放棄了
不過我都好努力咁響十幾張相上再比comment
因為我唔太接受到自己塊面有達黑影... 同埋晚裝d 脹爆相實在太樣衰
朝早影的... 我都算了
夜晚影的, 我每張都有comment 叫佢再執下

我比完comment
未send email confirm Zara (我拖住...無動力去處理呢輯相)
佢就send email 黎叫我揀相...
下?!?! 我比完comment 幾日就有相睇 ??  我都未confirm
一入platform
一張相都無
我email 問啦, 佢話已經執左, 又話 , 第2日6pm 前再upload

結果兩日後我先見到d 相
同時
亦唔覺得d 相執左.......
我都諗住, 算啦, 唔理喇, 就算再執, 都係咁架啦....
(zara 寫明, 即使你寫左執, 佢都未必執, 執唔到亦唔會通知你, 佢唔會執的亦唔會同你講)

揀相.. 點揀呢
我覺得ok 的相就係得studio o個9張
難道.... 油畫, 兩張座枱相,  謝卡, postcard , 簽名布, 封面都用呢幾張 ???

一直都好唔想打電話去zara
不過, 因為d 相太ugly
我抱有一絲希望
打去問佢, 可唔可以唔要兩本一樣的相簿
(我個package包兩本相簿，一大一小，但內容相同）
佢話, 第2本相簿係唔可以轉, 又話要轉都係揀相時轉...
我話, 當日揀相係不歡而散, 我地離開時無confirm 任何野....
佢話問下經理...再覆我
然後我順便多口問下
ｄ相其實執左未 (順便當投訴佢執相馬虎)


我得到的回應係:
未執我second comments!!  佢仲要 "下 ? 乜你仲有野要執架 ??"
同埋
佢問完經理覆我, 話, 如果要轉item, 50張相唔夠排... 要我地買多d相先可以排兩本唔同的相簿
我話”Ｄ相咁核突，我地無興趣買, 我地係想要少一本相簿, 換相架或謝卡"
仲要!!!! 其實我地兩個月前都打過去zara
嘗試問佢, 可唔可以再揀過d 相?? d 澳門相實在太難接受, 諗住問佢, 可唔可以改要studio 相
佢地check 完後, 話無留底, delete 晒
佢依家又話我可以再買相, 再揀相放album
你講晒啦......

同佢地d CS 講野真係好令人火滾兼無奈....


諗住打少少
點知打到咁長

Zara 有幾衰
我唔想再打了

總之就好好好好好好衰啦!!

我已經決定big day 唔會放Zara album 出黎
眼不見為乾淨

d 相
執唔執我都唔理啦
亦
覺得絕對唔會執到

唔想再睇....

Boucheron 婚介刻字

其實我唔係兩個月無update blog
只係之前寫左兩三個entry
但寫完, 明明setting係public
但都係只有我一個人見到

我之後試過delete 再寫過
改日期再試
都唔得
整左幾日都處理唔到
好激氣

好啦
我依家再試多次, 就咁copy and paste
唔set 返當日日期, 當新post 啦

[另外兩篇, copy and paste 後, set 返當日日期都public 到 , 得呢篇唔得, why why why~~]



Boucheron 刻字 (original date : 21 May 2013)

早前Boucheron 幫我地重新訂的男裝介子
其實早幾個星期已抵港

不過由於Boucheron 每天7pm就關門
所以要等男友早放工的日子才可以去試啊

今個星期男友放5:30pm
所以就決定今日去啦
試了介子, good fit, 然後confirm 了介子刻字的內容

其實很難抉擇呢
Purple & Stone? PS? Purple ♥ Stone?
30.03.14 ? 30.03.2014 ? 30 Mar 2014? 30 March 14??
連字體都有超過20種!!

結果, 我地決定刻
PS ♥ 30 Mar 2014

希望效果理想啦

今日再睇返張單
我隻介子好貴呀真係...
點解一年貴左幾千蚊架....

heehee多謝男友寵我, 讓我選自己最喜歡的款式


去Boucheron 前
我自己順便到了White Chocolate 取了pre wedding photos 的soft copies
(Boucheron 和White Chocolate都在中環麻... )

哈哈
一回家
就同媽咪, 呀妹分享, 一齊睇相

隨即又選了一張我很喜歡的照片做FACEBOOK的cover photo

哈哈, 見不到樣子, 但我覺得很sweet
真的很適合做cover photo
亦很適合做blog的banner 和big day 簽名布~哈哈

很喜歡很喜歡!

 

倒數9個月

昨天留在家工作
今天趁天氣好, 好好外遊一下

本來打算踩單車
但天氣太炎熱, 兼, period來了
所以取消了這個行程
開車到西貢, 吃吃喝喝遊車河

吃了brunch
就到碼頭附近走走
然後試了想試很久的chip in!!!

終於食到炸Oreo 和炸菠蘿
哈哈... 一試無防啦, 幾得意gei

下次要認真的試試chip in 的fish & chips

實在太熱了
哈哈
我們吃了chip in 就回家休息歎冷氣
然後再到錦田的旦王花吃晚飯

環境真的很不錯!
食物亦很可以呀 (openrice 很多人彈, 我覺得唔差丫)
即使坐戶外, 但一點都不熱

這是「單身男女」中古天樂為阻止高圓圓見吳彥祖
山長水遠車佢黎食飯的餐廳呢

哈哈
9個月後，我地就成為夫妻，唔再單身喇

PS♥ 距離big day 尚餘9個月

下一步???

結婚的籌備工作停滯不前...
自從響ballroom 揀左衫後
我無再處理wedding 的事了

酒席, photographer, MUA, videographer , 律師都book了, 餅card 和嫁妝都買了
下一步
做咩好呢?!?!


其實我唔係唔知道要做咩
只係懶... 同埋... 唔肯去面對

究竟點開口同屋企人傾禮金呢?
我知道佢地想要的價錢唔少... (兩年前講過下...)
唉... 但媽咪話... 佢女家親戚+daddy同事合共15圍的人情都歸佢
如果禮金係龐大數字的話... 我地真係負擔不起....

另外
另一個頭痛的是
姊妹團...
很好很好的朋友, 我有啊
不過有一個, 一開始就已經拒絕當我的姊妹, 原因就唔公開lu
唔失望, 就假啦...

少了一個好姊妹人選外
另一個令人煩惱的點係... 我媽咪唔鍾意 (唔容許) 我搵結左婚的朋友做姊妹啊
但我best friend 結左婚喇!!!!!!!!!!!!!!!
我亦都有兩個姊妹的人選結左婚!!! (點解我d 好朋友咁做結婚架...)

為左已婚姊妹呢一個問題
我上年同媽咪嘈過幾次

響幾個月前, 我終於拎到permit, 媽咪比我已婚的best friend 做我姊妹~~(太好喇~~~~)
不過... 我唔敢 ... 再問佢拎多d permit

丫...咁... 咁... 咁.... 我個姊妹團的combination 應該係點呢
我得三個鐵腳ja 依家
就係我妹, 加兩個一個直陪住我試妝試衫揀衫的好朋友~~~ (包括已取permit 的已婚好朋友)

朋友 姊妹 我有好多呀
我從來無諗過, 原來要組織姊妹團並不容易啊~~~~

10個月後

今天, 是2013年5月26日
不經不覺, 我們已手牽手一起走過90個月


我男朋友...未拍過長拖的
還記得初初同佢一齊
佢每逢每個月的26號, 都會好興奮咁同我講
"我地響埋一齊xx 個月喇"
哈哈, 開心到好似小朋友咁
以前
真係每個月26號都會"慶祝"的
維持左... 有兩三年嗎?? 哈哈哈

現在... 原來已經90個月喇
數數手指, 100個月時....
哇!!! 係出年3月!!


原來
我地結婚的時候
我地拍拖已經滿100個月喇
我地訂日子訂月份時
完全無留意的!!

Boucheron 婚介刻字

早前Boucheron 幫我地重新訂的男裝介子
其實早幾個星期已抵港

不過由於Boucheron 每天7pm就關門
所以要等男友早放工的日子才可以去試啊

今個星期男友放5:30pm
所以就決定今日去啦
試了介子, good fit, 然後confirm 了介子刻字的內容

其實很難抉擇呢
Purple & Stone? PS? Purple ♥  Stone?
30.03.14 ? 30.03.2014 ? 30 Mar 2014? 30 March 14??
連字體都有超過20種!!

結果, 我地決定刻
PS ♥ 30 Mar 2014

希望效果理想啦

今日再睇返張單
我隻介子好貴呀真係...
點解一年貴左幾千蚊架....

heehee多謝男友寵我, 讓我選自己最喜歡的款式


去Boucheron 前
我自己順便到了White Chocolate 取了pre wedding photos 的soft copies
(Boucheron 和White Chocolate都在中環麻... )

哈哈
一回家
就同媽咪, 呀妹分享, 一齊睇相

隨即又選了一張我很喜歡的照片做FACEBOOK的cover photo

哈哈, 見不到樣子, 但我覺得很sweet
真的很適合做cover photo
亦很適合做blog的banner 和big day 簽名布~哈哈

很喜歡很喜歡!

第一次hold 衫 @ Ballroom

其實4月尾已經到Ballroom 試衫
當日試左十幾件晚裝
黃色紅色桃紅色藍色綠色灰色粉紅色紫色... 全部都有試
不過真係唔識揀呀!!!

反而婚紗好快就可以2選1
其實兩件係同款, 只不過一個係大心形胸, 一個係小心形胸
亦係我第一次上Ballroom trial 時試過的款
當時已經好鍾意啦

晚裝... 我連上半身超級blingbling 而下半see through都有試
超爆呀
男朋友超級鍾意
我.... 接受唔到呀, 著左上身, 成個舞女咁呀
我兩個好朋友都唔buy
但偏偏試左十幾件後
我男朋友都係對呢件情有獨鍾!!!
天啊
點解佢d taste 永遠都同我差天共地
我有一刻有諗過為左佢揀呢件
好在, 冷靜下, 我決定點都唔會揀呢件
我接受唔到自己成個舞女咁樣
我著到咁, big day 當日應該會嚇暈d 親朋戚友

Ballroom 的新娘子真係好瘦
我好多件都拉唔到拉鏈
有件紅色直情...我無法進入件衫

每件衫都試完都有影相
因為我真係拿不定主意
Ballroom 好好, 叫我返去諗下
話可以過幾日先覆

同時, 因為我試揀我完全著唔落的紅色晚裝
同埋... Ballroom極力推薦我的桃紅晚裝，我去了Ballroom 三次都佢都剛好出左街
於是.., Ballroom好好，約我多一日，上去試呢兩件

如是者
上星期五就上左Ballroom
試埋呢兩件
哈哈, 其實再上去之前, o個四五日, 日日都諗, 究竟邊件好 ,究竟邊件好呢?!?!
但估唔到, Ballroom 推薦o個件, 著上身真係幾好喎! 無介紹錯!!
試完就hold 左呢兩件
再研究下d 相.... 思前想後.... 終於決定揀一件mint green 的

哈哈
Ballroom staff 好坦白
佢話 "你唔洗咁難揀喎, hold 住先je, 可能遲d 你d 心水唔同左, 我地又有新衫, 可能你下次黎會改晒呢"
哈哈哈哈
好啦
又完成一個大task!!

330

本來
倒數都是以年和每100天位單位

不過
無意中發現這天
又
剛好我地又影一張有呢三個數字既相

咁
就順便倒數一下吧
嘻嘻

距離330 尚有330

話說
我問好朋友, 睇唔睇得出相入面gei我地做緊咩
佢竟然話 "三年抱兩???"
哈哈哈哈哈


P.S.
這張在Zara studio 影的
未執相....

處理Zara相

上星期三已收到Zara的link 和pw
讓我們comment 那些十分驚嚇的pre wedding photos

但因為我不清楚執相的範圍
所以, 打算打電話問清楚後, 才寫comment

星期五整天跟來自印尼的朋友在一起
沒有時間, 亦忘記了打電話
(這天超級瘋狂!!因為她現在於新加坡工作, 消費物價很高, 於是她這天在香港瘋狂大購物, 我們行了8個小時!!已扣除lunch 和dinner 時間!!!! 我回家時, 行了數級樓梯, 感到自己腳震啊, 哈哈哈哈)

星期六打了幾次, 無人聽
星期日又打了幾次, 都係無人聽

後來朋友提醒, 因為正舉行wedding expo, 所以Zara未必有人響公司
但係
明明Zara 的email 寫明 "如有任何查詢歡迎致電27308831如未能即時接聽,留言於翌日3:00前回覆"
我打極響極都無得留言啊

結果
我星期一終於打到呢一個電話了
知道佢話可以修下面.... 我都.... 安心左dd, 不過唔敢抱太大期望啦....
我亦作出投訴
話我打左兩日電話都無人聽, 又無得留言...
佢竟然話.. 因為搬左新office, 電話未有留言服務....
我又投訴... 條link d 相load 得好慢好慢, 我用左兩個鐘先睇得晒50張相
佢話可以幫我同server 公司反映

好啦
星期一晚
真係load快左好多喎!!
亦已大概為想執的相comment 了
哈哈, 基本上每張都係叫佢處理下我塊面
其實好多相d 燈都打得好奇怪呀, 我地兩個塊面成日都有影..... d 光的direction 都好奇怪
唉 算啦算啦
希望佢執返好我個樣... 唔好咁豬
我已經心滿意足了



另外
上星期收到White Chocolate 相簿layout 的edited version
唔錯唔錯
不過好似有d 單調咁
可能係因為大相簿得40張相, 但我地唔想d 相咁逼, 又想有一兩張相跨頁, 所以我地加左兩頁...
而令到依家本相簿有好幾頁都得兩張相... 有d 單調的感覺... 哈

唔緊要啦
最重要係d 相靚~哈哈




p.s.
嘩, 打完呢篇entry
已收到Zara email 話收到我d comment
仲話會響6月1號upload 已執的相上那個server

嘩.... 真係要一個月 ??
White Chocolate 只係用左四五日ja.....
Zara 話... confirm所有野後... final product 要等90日!!
嘩... 好彩我早join 你je (真係好彩 ? 好彩就唔會join 左你... )
如果我下次有野再執... 又等一個月... 就已經7月
之後仲有排版.... 又未揀油畫, 簽名布....
confirm 完再等3個月
應該真係要等到2014...

唔怪得我朋友仔之前話... 佢差d 響big day前都收唔到Zara 的製成品啦

慘不忍睹的澳門pre wedding photos

終於收到Zara 的edited photos
total 50張

嘩... load 得超級緩慢呀.... 我用左成兩個鐘, 先睇晒一次
一路睇一路唔開心一路嘆氣

當日睇相
已經見到自己當日的相, 張張都好包, 張張個樣都好無神....
都算喇
係我問題....

尋晚我zoom 大d 相黎睇
嘩, 真係好樣衰呀
我覺得... 我素顏... 加用傻瓜機... 都一定靚過呢輯pre wedding
點解張張相, 我都又腫又肥又豬架
塊面又無晒輪廓... 好癲呀

同white chocolate 真係無得比
拍攝日期.. 只係差四五日je
我無理由四五日就肥左咁多架... 水腫... 都有可能gei...  不過真係實在好好好好肉酸

我一路睇zara d 相, 一路問自己"點解會揀左呢張, 咁核突 !!"
只怪當日無zoom 大d 黎睇?!?!?!??

今日同朋友研究過下d 相
佢地都覺得.. 係燈光問題.... 打燈打得唔好, 化妝都有問題
我重申... 我響zara  studio 的相係好靚的!!!!... 只係澳門d 相先成隻豬咁
studio 係12月影, 澳門係3月影... 我3月起碼比12月輕五六磅
但影相反而肥左10磅!!!
再補充多句....
zara studio 幫我化妝的, 係一個同我同年的女仔, zara 澳門幫我化妝的, 係一個有我媽咪咁大gei 女人
所以.... 妝.... 都有好大好大的影響....

好,
crop 幾張相做對比

zara studio 相, 攝於2012年12月1日
zara 澳門相, 攝於2013年3月12日 (撇除我個豬頭, 我個身都好豬...)
white chocolate 香港相, 攝於2013年3月8日


仲有... 我呢一個blog 的header 同profile pic... 係beauty hera studio 相, 攝於2012年11月18日

有乜理由丫, 做咩我響澳門會變左隻豬 ?!?!??!??!?!!!



早幾日, 收到White Chocolate d 相
我好開心好興奮咁keep 住睇
尋日收到Zara 相... 我都keep 住睇, 不過一路皺眉一路扁住嘴咁睇.....


be positive
好在我最終有幫襯到White Chocolate ja
好在, 我一早就對Zara 無期望ja
你睇, 我無期望, 有晒心理準備, 都會咁失望
如果我有期望的話... 我應該.... 會崩潰到癲左.....

辦嫁妝

上星期金價大跌, 全城金舖被淪陷
我地都唔執輸,  去買定d 金器

我地星期六先去呀...
嘩, 金舖d 貨好似所剩無幾...
金價亦已經升返少少
粗少少的龍鳳鐲都比人掃晒 (好似唔洗錢咁 !!!)
好恐怖啊
頸鍊款式都好少...

我對金器無咩要求
因為都只係big day 戴一陣黎影下相....
正正常常就可以了
按媽咪意願啦
佢鍾意, 覺得靚, 覺得抵, 就可以了

最後很順利 (本來....)買了頸鍊同龍鳳鐲




可是
回家後
我又無端端, 狠狠地被罵...
內容就不供開了
只是覺得好委屈

點解, 點解,點解, 要響結婚呢件事上面反覆咁鬧我呢

好多個月無為結婚事宜而喊過
結果, 我哩左響廁所喊左一陣
真係好辛苦好辛苦

唉.....
 


不過
晏晝出街
男友帶我去食盆栽樣的tiramisu 哄我開心
又陪我shopping , 仲送左兩對好舒服gei 鞋比我

哈哈哈
好啦 開心返


哈
雖然晏晝響屋企好唔開心
我shopping 完, 都有返大埔, 乖乖地等位同屋企人食飯
然後同佢地響大埔行一陣
仲買雪糕返屋企一齊食添




其實
我媽咪心目中的孝順女、乖女, 究竟係點呢?

收到White Chocolate 排版

星期日收到White Chocolate send 黎的排版
好興奮!!

有一兩張我覺得怪怪地...
不過我唔夠專業
於是我send 左比我好朋友, 佢識影相執相, 請佢比d 意見

哈哈
佢comment on 我d 相, instead of 我d layout lor!!!!
不過佢d comment 都有佢gei 道理, 哈哈
可惜丫, 相已經無得再執
只能夠執layout

好鍾意呢輯相
雖然無想像中咁perfect
不過, 都係好鍾意, 好sweet 的感覺
又有我地的文學院, 又有我鍾意的花草樹木, 又運用到我的小道具
好滿意呀

我呢兩日keep 住係咁睇
明明layout 係一個jpeg放晒咁多頁
我逐張crop 出黎再睇
哈哈, 真係一得閒, 就click 出黎睇
中左毒
哈哈

保持神秘~
遲d 先分享比大家睇

尋日日send 左comments 比 White Chocolate
應該下星期就會有updated version
好期待呀

再睇執相 @ White Chocolate

星期四晚去左White Chocolate 睇要further retouch 的相
自己一個去, 因為十幾張je , 我自己睇都得, 況且男友都無意見...

平時招呼我的同事因為屋企有事無返
要執相的同事直接招呼我
但我地兩個都唔識用mac book
結果
笑料百出

睇頭幾張, 都好地地, 我都話ok 呀, 無問題
跟住想快少少, 唔逐張搵
就用search 的function
"咦, 個疤痕無執得gei?"
跟住個幾張... 我雖然覺得無咩野, 好似無執過咁, 不過無所謂啦, 我話ok
直到一張我好鍾意ge相, 我記得我係要修手臂的... 因為我撐住地下好用力, 隻手好壯大~
我都話ok 啦.... 不過我補充" 係呢... 你覺唔覺得呢張相我特別肥 ?? 隻手超級粗...."
佢話無喎
咁我都無所謂gei~ 哈

佢話可以即刻執... 得兩張要執手和腳的疤
點知, 佢話, 佢響佢自己電腦睇, 係執左的

原來
哈哈哈哈
我地用search function search
係search 左raw 檔呀!!!!!
咁點解我除左兩條疤痕, 我另外張張度話ok 架?? 明明無執到任何野... 哈哈哈
我.... 真係好求其... 哈哈


d 相ok 晒喇
不過唔可以即刻伶soft copy... 佢話公司燒碟... (竟然~~)
佢話等多三四日就可以喇
要等sales 姐姐返黎

好啦
我等下啦, 雖然好心急~heehee

short but precious conversation with dad

尋日陪daddy mummy 同佢地的朋友開party 回家後
跟daddy 在sofa 閒聊了一會兒
短短的conversation, 但回想起仍然覺得很感動, 很窩心

dad : 你仲有未夠一年就嫁人喇, 我又可以了左一件心事
me:  原來我嫁人係你ge 心事 ?
dad: 緊係啦, 我第一件心事就係你大學畢業, 第一件就係你嫁人, 兩件都係我人生大事黎架

isnt he too sweet?!?!

然後, 他又關心我嫁人後會住邊, 經濟負擔有無問題...

從小
daddy 間唔中就會響語重心長地響sofa 同我deep talk
係無端端架.... 不定時~哈哈
細細個, 佢就會教我學會知足, 話我知, 幸福唔係必然
佢話 我地一家人年年都去旅行, 每個星期六日daddy mummy 都帶我同呀妹去街
我其他同學未必會... 教我珍惜
佢又話, 佢賺錢好辛苦, 只係佢願意花錢響我地身上, 叫我唔好以為錢好容易賺
大個d
佢又會話, 就下媽咪啦, 唔會同媽咪頂嘴,
讀書唔好比咁大壓力自己
我見你咁讀法, 我都鄧你辛苦
再大個d, 剛出黎做野
佢又話, 我唔洗你賺大錢養我地, 你做得開心就得喇
我再做多兩三年野
佢又話, 你做野做成點呀, 有無諗過前途 ? 你份工有無出路架
不過你份工人工咁低, 有無諗過轉工 (haha)
到開始談婚事, 前年同媽咪鬧不快時
佢又話, 見到你地咁, 我都好心痛, 就下媽咪啦
其實我夾響你兩母女中間好辛苦架都, 你地一人讓一步啦

除左呢d "認真傾計"
平日daddy 都係同我地heehee ha ha~
記得細個成日一齊響屋企唱歌, 哈哈, 好多都係我地自己作的

daddy 雖然離開左香港做野七八年
但佢一直都咁錫我地, 關心我地
當然, 佢最錫, 最遷就ge 人係我媽咪啦
我之前成日同男友講, 如果我第時個老公有我daddy 咁好就好喇!!!!!
不過佢講左佢唔會 :(


my dad is the best man in the world!!

睇執相 @ White Chocolate

尋日White Chocolate 打電話比我
話我知可以約時間睇edited photos
啱咁今日我同男友都得閒, 就今日去睇喇

執得好自然呀
我其實很害怕別人將我的手臂修太瘦啦
雖然.... 我知道瘦D靚D, 但失真麻...

所以207張相
我只有十多張要further retouch
有些係見到手背和膝蓋的疤痕, 想執一執啦

其實好多張對手都圓碌碌... 不過, 男友話問題不大
肥就肥啦! that's me!!
橫掂BIG DAY當日, 我對肥臂都係展露於人前~

睇完retouch 相
就要將上次shortlist 左的80張相
分配落大、中、小三本相簿

哈哈
今日睇返o個80張, 有好幾張我都問男友, 點解會揀左呢張gei? 麻麻地ja 喎
然後佢話"你insist 要揀架喎"
係咩...我真係覺得唔入選gei 有好多都幾好睇
(丫, 寫到呢度, 我又好似記得自己寫blog都有寫過, 為左本album豐富d, 放棄左背景重複gei相...)

我地主要將自己最鍾意和playful的相放大相簿
因為大相簿有排版

今次在White Chocolate逗留了兩個鐘
下星期就可以睇o個十幾張further retouch的相
然後就可以排版喇
期待期待



P.S.
今日去White Chocolate前
到了Boucheron 拎我的生日禮物
包裝很精美....我有估過會係筆... 或者朱古力
但竟然係 !!!! 一個放大鏡 !!!!
好特別呀
哈哈
一定係facette上的碎石太太太迷你, 佢驚我睇唔到喇~
都幾得意丫

(heehee, 懶得upload 相)

嫁作人妻前最後一個生日

男友早兩三個星期已通知我
我生日當天佢要返night shift
所以我要自己搵節目
渡過呢一個最後的單身生日

生日一點也不寂寞
先請媽咪呀妹食早餐, 然後同好友到LGB Café high tea, 再去世貿打機, 夜晚會合兩個好姊妹, 在Sheraton 晚飯, 再到skylounge 飲野
很充實, 很滿足

哈哈, 多謝朋友仔的厚愛
連續六日的birthday celebration
不停吃喝玩樂, 我其實…. 一早已經食滯左
今日終於睇左醫生… (我胃的消化能力一向不太好..)

呢六日 , 唔計生日正日
吃了dinner buffet, tea buffet, 韓燒, 大熱, 好友煮的大餐, 札幌拉麵, 沖繩料理, 又踩單車到小白鷺食tea, 橫風橫雨入西貢與好友&小狗下午茶, 夾公仔…



每天都很快樂

明年生日
如無意外, 我應該在享受honeymoon 當中
嘩, 我未試過生日去旅行的

生日暨蜜月之旅
去邊度好呢 ??

Boucheron 竟然落錯單?!

買dream wedding bands
估唔到可以一波多折到咁

由Boucheron香港店shutdown, dealer 無facette, Boucheron專門店重開, 但香港店無三躦石款facette, 門市7pm關門令我地白行一趟
到我終於等到Boucheron特別為我訂來港的介指
我以為我一切波折已經結束
哈哈
原來未完

話說
男友的款沒有他的size
Boucheron 幫我地訂
早在3月6日, Boucheron已經通知我
說男友的介指有貨了
叫我地隨時去拎

點知...
今日, Boucheron 的A小姐打比我
"唔好意思呀, 我地訂錯左陳先生既介指, 我地會幫你Urgent 訂返隻新的,, 應該18號那個星期會到香港"
下,... 咁都得?
佢話落單同事寫錯左個code, 訂左另一隻款....
好在~我唔急住要
好在~我無好心急去試, 如果唔係, 又再白行一趟...

anyway
我是偏心的, 我無怪Boucheron, 誰叫我對facette情有獨鍾
哈哈

A小姐道歉後
還說 "黎小姐, 我地睇返record, 知道你聽日生日, 預祝你生日快樂!!!"
哈哈哈
佢仲話準備左份小禮物, 叫我隨時pick up

就係咁
Boucheron A小姐成為今年第一個同我講生日快樂既人　

倒數一周年

今日係2013年3月30日
明年今日, 就會是我們的大日子

仲有一年ja!!! 時間好似過得好快咁

今日
吃吃拉麵, 看看電影, 再來一頓豐富晚餐
平平淡淡, 兩口子整天在一起
平凡也是福氣

其實我們買了材料整muffin
不過回家才發現牛油消失了
因為雨太大, 我們沒有外出購買啦
唯有下一次吧

回想起求婚, 2011年11月25日
感覺....很遠..... 我們籌備婚禮的路真的很慢長!! 哈哈
希望
慢功 真的可以 出細貨, 哈哈

==================================================

寫完這篇
我就會將這個blog 告訴男友
嘻
這是我送他的倒數一周年禮物

還有
今天我送了他這個小吊飾
其實係我早前貪得意, 在Artscow 訂製的

(相片的背景是幾年前, 我送他的超級巨卡!!哈哈)



另外
今天在facebook post 了這張相


這是我們在Beauty Hera studio影的, 我們選了它做油畫 :)



PS 365 Days to go!!

進度理想

Yeah!!!
big day 的所有大item, 全都confirm了
昨天已付訂金予證婚律師

去年已plan 好, 要在倒數一周年前book 晒要預早book 的item
我的target 全部已達到了

Big Day
酒席地點: 九龍灣煌府
證婚地點: 九龍灣煌府空中花園
證婚律師: 劉啟興律師
婚紗禮服: Ballroom
化妝師: Fiona Fi
攝影: CY Poon
攝錄: Kelvinshot


Pre-wedding
Beauty Hera: 已完成, 已起貨, 待取
A's Bride:   已拍攝, 已揀相, 待執相和排版
White Chocolate: 已拍攝, 已揀相, 待執相和排版

其他
結婚介指: Boucheron, 已買, 已抵港, 待刻字
西餅卡: 美心, 已買270張




confirm 左big day 的大item
達標的感覺真好!!!

好開心
好滿足


很喜歡這張照片
我們笑得很真, 很愉快

PS300314

floating balloons

今天寫一個小分享
之前為了pre wedding props同 gown hunting 都不停上網看bloggers 的sharing
得到好多inspiring 同實用的資料
今次到我分享自己的資料搜集吧

一直很想pre wedding 用"氫氣球" (其實是充氦氣啦)
於是上網找了幾家店
分別打電話和email 查詢了款式和價格

詳情如下:

	Come2Me	窩心喜舖	Mr Balloon	Elfeestore	Metteo Party
心心balloon	$3.5 (12”)	$1.5 (12”) $0.8 (10”)	$2 (11”) $10 (11”, 已充氣) $18 (15”, 已充氣)
普通balloon	$3 (10”)	$1.0 (12”) $0.6 (10”) [只有珠光]	$2 (11”) $10 (9”/11”, 已充氣)	$40/ 15 [三色系列]	$12 (已充氣)
字母balloon	$48 (90cm) $38 (35cm) [不能飄浮]		$80 (40”)
氦氣 (大)**	$239 重3-4kg 可充40 個 12” balloons [有送貨服務]	$309 重11lbs 可充42個 12” balloons	N/A	$310
氦氣 (小)**	$199 可充25 個12” balloons [有送貨服務]	$209 重6lbs 可充24個12” balloons	N/A	$218
地址	觀塘巧明街116-118號萬年工業大廈3樓B29室	荃灣荃昌中心昌寧中心204號舖	觀塘巧明街116－118號萬年工業大廈 4樓A19室	九龍灣地鐵站交收	銅鑼灣 3 /F, 530 Jaffe Road
	星期一至五 1830 - 2100 星期六至日 1400-1900星期六至日 , 2:00 pm to 7:00pm (請先預約)每個月第一及第三個星期日休息	星期一至四及六 0900-1500 星期五 0900-2000	星期一至五 1000-1900 星期六日 1000-1400	18:30	OPENS at 12nn
CONTACT	6841 09906841 0990	6280 8816 51126198	3571 9248 http://mrballoon.com.hk/	elfeestore@gmail.com	2342 8887 http://www.matteoparty.com/index.php

** gas 可充的氣球數量, 是店主的估計... 我覺得, 不可盡信, 哈哈

以上店舖, 除左有普通的氣球外
亦有各種類型的氣球, 有些更有場地佈置服務

我呢
最後幫襯左荃灣的窩心喜舖
因為最經濟實惠

依家我罐大gas 仲有大半罐
(真係有石油氣咁大罐!!!!)
用黎做咩好呢
開party 用?!

Zara Confirm 41+9

估唔到Zara 咁快就回覆
男友跟manager討論後
太好了
Zara竟然讓步
可以比我地揀41張澳門相加9張studio相組成50張相的相簿
開心開心

之後執相、排版會順利嗎?
好緊張



這個blog
我一直悄悄地經營
最近才public 所有post, 和告訴幾個朋友

我打算在倒數一周年當日才告訴男友這個blog的存在
當是一份禮物吧
哈哈
其實我估... 大概只有準新娘看這個blog 才有共鳴
其他朋友仔看到, 應該覺得每篇都很沉悶吧

好啦
增加娛樂性
post 一post 我之前打算在倒數一周年時post 上facebook的save the date 啦

我已經決定放棄佢

究竟3月30號
post 邊張好呢~

繼續應付100%負評的Zara Bridal

在EXPO join了Zara當日, 已經十萬九千個後悔 [當日叫Zara, 今日已改名叫A's Bride]
詳情不願太提....

這間在網上100% negative comment的公司
我由轉單、揀衫、fitting、影相...
都已經有晒心理準備

今日睇相
相其實影得不差
不過呢... 我地兩個的狀態都不太好
我有很多相都超級包包面... 又肥又脹
不知道是我肥了, 是角度問題, 髮型問題還是甚麼...
而且我的樣子十分疲倦!!!
唉... 可能影香港同澳門的日子太接近, 五日影兩輯...
又可能從香港帶衫過澳門的過程太艱辛.... 太累人了
所以... 很多照片我都表現得不好

說起帶衫很艱辛... 就是說說我那件令gip 都放唔落的超級大拖尾
11月尾影studio時, 件超級大拖尾已經不啱身, 不停跌... 影兩張就要抽一抽....
影完studio, 我翌日打電話去Zara
問佢可唔可以影澳門時換另一件
因為我carry 唔到件衫
跟對方討論很一段時間... 對方都說不可以
我開始很悔氣, 因為當日join package 時, 那個sales 說studio 可以揀很大拖尾, 外景揀輕便D
前後應該有4件衫
但揀衫時對方說, 我張單無寫可以studio 揀多一件
於是我嘗試同呢一個point 同佢bargain, 希望佢容許我揀另一件
佢堅持要加 $1800 才可以揀另一件, 一係我即刻話佢聽, 上次我試左邊件鍾意, 唔洗再試, 就比我轉
大姐....
(1) 我點記得上次試左邊件我好鍾意? (2) 就算我記得有另一件鍾意, 我點憑空形容返件衫出黎? 難道我記埋number?
最後, 佢話過兩日問完上頭覆我, 係無覆過的.....
我亦無再追究... 因為唔想煩
結果, 響澳門... 都係勁甩... 要不過抽...
MUA話, 條裙根本設計得唔好... 杯位太淺又無骨....又長又重.... 佢話我太林善, 佢話我應該努力fight 換另一條!!

anyway
今日睇相
先看澳門的, 有300張...
看完slideshow, 我們刪剩around 80張
再看Studio
嘩嘩嘩, 點解11月的我地靚咁多, 瘦咁多
studio d 相好靚呀~~~~~~ 亦靚過Beauty Hera的studio相
有百多張
但我地亦恨心地first round delete 剩20張

好, 進行第2輪selection
我本身的package 有50張相...我預左budget maximum 買10張
但我地幾經辛苦再次恨恨恨恨恨恨地delete 到41張澳門, 9張studio
個staff 無黑面喎竟然~~
不過!!!
問題就來了
佢話.... 我地原本澳門package 包40張相, expo 加送10個檔案, 送影樓
但!!!! 影樓的相唔可以計入package 的50張!!! 影樓所有相都係要加錢買,
佢suggest 我地揀返多d 相, 整多本相簿
我男友十分生氣
因為單據無寫影樓相唔包括入package 的50個檔案內呀
佢話我地可以唔要影樓的相, 揀返多9張澳門相
不可以呀, 我地都好鍾意studio 的相
雙方都堅持.... 和解唔到

結果麻
又係話搵manager 過兩日覆我地
我已經講左, 話次次你d 同事話過兩日覆, 都係無覆
(係呀, 同埋好奇怪架... final fitting 後, 佢地唔會幫你聯絡攝影師同化妝師架... 我要自己約佢地幾點開始化妝, 幾點開始影相... 通知佢地我住邊間酒店邊間房...)
個staff 話, 我保證manager 會三日內覆我

再看看甚麼情況啦

btw
今日serve 我地的staff
就係兩個星期前, 同我講, 唔記得自己公司新地址那個....

A's Bride...
雖然我有晒心理準備去應付你
不過
真係太多" 估你唔到"喇

希望佢比我地 41 + 9 啦
我唔想放棄咁靚的studio相
同時我唔想再投放任何金錢響呢間公司

good luck to us!! 

Gown Hunting Round 2

因為約了5:30pm到A's Bride看澳門Pre wedding 的相
所以打算看相前walk-in 下金巴利道的gown shop

上次去完Wendy's, Heanna, Perfection, Rosebay 同Ballroom
發現自己比較喜歡Heanna同Ballroom
結果, shortlist 了Ballroom
於是, 前幾天亦book 了今日4:30pm 到Ballroom再看看晚裝的相片, 和談談package
至於其他....真的沒有頭緒, 打算walk in 碰碰運氣

12:30pm 到了尖沙咀吃lunch
哈, 中途才send whatsapp 問朋友仔, 前年家姐結婚租邊一間
她租了Anovia 和Berfa Wedding
Anovia.... 的黑面sales 同poor service 實在鼎鼎大名~
哈哈, 朋友亦叫我千萬不要去
於是我就即時打電話到Berfa
可以立即上去呢

在Berfa 試了兩件Wedding Gown, 一件Evening Gown
沒有太多感覺
很驚訝Berfa的package 比Ballroom 還要貴!
我覺得Berfa的質素.... 1WE+3EG 應該可以平一兩千吧

然後到了金巴利道... 真係零頭緒....
結果接到一張In Wedding 的傳單, 因為大學同學join 了這間
於是抱住一到無妨的心態, 上去參觀下
嘩... 好多衫呀
不過看看i-pad 就知道不是自己喜歡的style
我不喜歡落"gong" 的衫... 不喜歡有"呼拉圈"
個staff 都好落力介紹衫比我
結果試了一件WG 一件EG
咦, 效果比想像中好!
價錢亦十分十分合理.... 7千幾蚊, 有十件!!!
不過, 總是覺得... 質素不及Heanna 同Ballroom 高, 手工不夠精巧

結果麻....
又到訪了Ballroom
迎賓同敬酒的EG... Ballroom的我不擔心
我已經心水了
不過... 我揀不到送客衫....
難道真是穿黃色? 還是全閃石低胸露腿的??
因為不是第一次visit, 今次無機會free trial

多謝Blogger 翠絲的referral
得到少少的優惠
最後, 如我男友所願, join 了Ballroom (我一直覺得他很很很喜歡Ballroom)
我知道是有點兒冒險啦... 因為我未看中第3件EG...
不過4月中會有新貨... 哈哈
寄望新款!!!
已hold 了我心水的迎賓衫, 褂和婚紗
4月中新貨到齊
就可以去正式揀衫啦
好心急!!



離開Ballroom
就出發到A's Brial
.....果然是一間令人很勞氣的公司
下篇繼續

揀相@White Chocolate

尋晚到了White Chocolate揀相
快看一次
沒有我預期中漂亮 (哈哈, 可能期望過高)
不過已經十分滿意 (矛盾嗎 ?? 哈)

total 有207張相
我們的三周年offer 包晒207張的soft copy, 仲會執相
我地尋日要揀80張相入三本不同相簿

初初以為好容易
點知...
揀揀揀, cut cut cut, 搞左兩個幾鐘先cut 到80張
好多我覺得靚的相都入唔到圍
同時, 有些不太完美的相入選了
因為我們希望相簿豐富d
所以即使有些相好靚, 但pose 差不多, 背景差不多的, 我地多數只揀一兩張

揀完80張
我已經累到想逃跑了
但仍要揀大油畫, 兩個相架同三個封面的相
在油畫選項憎掙扎左好長時間
最後捨棄左我很很很喜歡的照片
我覺得躺在草地很sweet , 顏色又柔和
可惜, 放大做油畫的話, 頭會很很很很很很很大~哈哈哈

其實我偷影了... 哈哈 我地塊面超肥, 不過我就是很喜歡啦

最後選的, 是夜晚的照片, 只見我們的側面, 還要背光
such a big contrast 哈哈哈

返到屋企已經11:30pm!!
很抱歉要媽咪等我回來
因為她為生病的我煲中藥啊

哎呀....出嫁後就要自己煲了

ps
今日竟然黃雨兼雷暴警告!!!
幸好我在上星期影pre wedding
不是今個星期

很幸運
很幸福

澳門Pre Wedding 順利完成

postpone了兩次的澳門Pre-wedding shooting 終於都完成左喇
今次沒有住萊斯
我們住了兩晚威尼斯人 (很便宜, 住兩夜連來回船飛只係 $1200 per person!!)

第1天book 了車, 看了水舞間

第2天才是我們的shooting day
化妝師說大概9:30am到, 結果她10:00am 才到呢
anyway
整個過程都十分順利, 一點也不趕
先在酒店房和酒店外影了幾張,
12:30pm 正式出發
上了主教山
天色很不錯呀
星期二 只有兩三pair 新人, 化妝師說星期一很多人呢

影完主教山, 到了附近的茶餐廳吃lunch
沒想過竟然可以坐定定在餐廳吃東西和換妝

吃飽了就出發到龍環葡韻
哈哈, 風很大, 我準備的肥皂泡很不受控
我們用了假鬍鬚和紅唇props, 也用了我自製的弓和箭
lighting assistant 同化妝師都笑得好開心
哈哈, 相片一定很有趣

竟然5pm就換上晚裝,
我好驚訝呀
因為我以為龍環葡韻會影埋上面的花園
或附近黃色的屋
不過我沒有異議啦
心想: 這輯只包50張照片 影太多 我最後就很難foul 相了

接著影觀光塔附近的湖
再影西灣大橋的夜景
到7:00pm 攝影師竟然告訴我們, 完成了@@
他說他計劃要拍的都拍了
問我們有沒有任何補充
拍攝時間明明還有一個小時啊
我該說他快手, 還是說他撻皮? 哈哈

其實我想影少少花草樹木 ,同埋想影之前經過的紅色屋啦
不過 都入夜了, 只能夠影夜景

於是
男友建議回酒店影下夜景

結果7時多就完成了
也好
可以早點吃飯早點休息

這天完全不慌不忘很輕鬆
可能因為澳門太細了
不似香港
車程10-15min 就可以到達另一個景點
所以時間很容易掌握啦

第2天回港後
太累了
我地決定響上環在的士到A's Bride還衫
然後約時間看相
那個staff 告訴我們 A's Bride會搬到紅磡
我問她, 地址是甚麼
她說 "我唔記得左"

這是甚麼一個答案!!!!
Zara...即A's Bride 果然名不虛傳啊!!!
希望我之後睇相, 執相, 拎相一切都順順利利啦

Gown Hunting

今日book 左幾間禮服公司
包括Wendy's Bridal, Ballroom, Heanna 同 Rosebay

Wendy's Bridal 同Heanna 係我最期待的
因為是小店, serve你的staff就是設計師本人, 款式又多變

11:30am @ Wendy's Bridal
有點失望呢....
雖然我很喜歡Wendy的婚紗可能變身, 一衫多著
但好友和男友都嫌Wendy太囉嗦, 又經常扯開話題...
加上佢只讓我試了一件plain 的A-LINE 和一件mermaid
她說可以加不同配件
但她不停找不到那些配件啊
東找找西找找, 又指住其他衫說不讓我試
印象分大減....

1:00pm @ Ballroom
跟各大blogger 所說一樣
環境十分優美, 又有曲奇, 花茶serve我們
雖然沒有任何一件gown令我有叮一聲的感覺
但generally 感覺也很不錯
cutting 幾好
我大膽地試了一件lace 露背的, 效果不錯啊
男禮款式比較新穎, 連紅色粉紅色都有

3:00pm @ Heanna
我在Heanna試了三件Wedding Gown, 一件Evening Gown
感覺很好呢
她們很細心
兩個人幫我fitting, 還每件gown 替我配襯不同的頸鍊和頭紗
很喜歡Heanna的婚紗可以轉造型, 可以加belt 加披肩
試了mermaid, 原來我都carry 到啊
不過我還是比例喜歡A-LINE
可是, Heanna 的evening gown 比較似去party, 去ball, 亦有比較另類的
我怕我揀不到evening gown呀...
而且Heanna只有潮褂....
不過Heanna 價錢很公道很合理

5:00pm @ 唯美主義 Perfection
中間有時間
我和男友walk in 了唯美主義
試了當日expo 好impressive 超級閃超級大拖尾的wedding gown
真係好好好好閃好浮誇
亦著到我好瘦
不過.... 我怕太過浮誇呢
好似簡單的款比較耐看
而且條拖尾大到... 應該好難攤得開晒....

7:30pm@ Rosebay

Rosebay 很多A-Line款
試了三條
但都沒有很特別的感覺
哈哈, 大概是, 我對Heanna同Ballroom念念不忘....

一日visit 了五間
但仍拿不定主意啊....

天公造美的HK Pre Wedding

尋日終於影左香港的pre wedding 喇
一切都好順利, 好開心
今天的route
HKU > 白加道車站> 山頂公園> 石澳> 立法會 > 煤氣燈街

本身諗住影HKU 好彩的話, 最多影45min
點知適逢reading week
保安不太深嚴
結果我地足足影左個半鐘!! 影晒攝影師想影的地方, 超級overrun
連攝影師都話十分難得
佢之前幾次都有被security 趕走的

哈
由於HKU太順利
令之後的schedule變得有點趕
在 白加道車站影相有點狼狽
因為職員剛剛洗完地
行到我條大大大拖尾濕晒, 好重

在山頂換短婚紗, 輕鬆多了
吃了麥當奴, pump 了氣球
山頂曬到我雙眼快張不開
希望我不會每張都矇豬眼啦

去到石澳已經五點幾了
去到沙灘已經接近天黑
雖然已經見唔到太陽, 但我地響沙灘都玩左好耐呀
拎晒d 道具出黎
唔知d 相會係點gei 呢

9:15am到white chocolate 化妝
結果接近 8:45pm 才會來

尋晚我說影相沒有我想像中疲倦
今天要想收會這句說話
我今天簡直不願意起床
全身酸軟!!

我要好好休息
因為過幾天就要影Macau Pre-wedding 喇 :)

約見攝影師

今天約了攝影師見面
由於原來的攝影師突然離職
因此, White Chocolate 安排了另外兩位攝影師給我們選擇

怎樣... 攝影師H 遲到了
本來說我們要等候20-30 分鐘
結果麻... 佢足足遲了一個小時才到達
有兩PAIR 人在等他呢

在等候期間, 其實我們也不清楚是兩個攝影師一起見面, 還是逐個見
一問之下
原來坐在RECEPTION的其中一個職員就是攝影師J
於是跟他傾了一會

途中RECEPTION那個女生開了H和J的作品給我們看
H 終於到了
一坐低, 很趕很趕跟我們安排行程
很快就完成了
我們問:" 是你幫我地影嗎 ?
H 說"係啊"

為甚麼會這樣???
我們當時內心比較喜歡J 呀, 因為覺得H 的Editing 有點誇張...
加上H 雖然感覺很smart, 但可能佢很趕時間, 所以感覺好chur..., 好決斷
相反, J 比較斯文, 感覺有商有量, Friendly D
first impression 很重要啦
本身我prefer H, 因為他是我好朋友pre wedding 的攝影師 我覺得好朋友的相很美, 而且有保證
但H遲到了一個小時...... (雖然客加錢比佢OT, 我地都明白..)
而且J的相比較自然, 我們比較喜歡這個風格
我很怕將人執到好瘦 , 明明無日落幫你加日落... 甚至將草地變雪地啦 (雖然我們可以主動要求不要這些EFFECT)

接著
哈, 我們悄悄地問J
其實你可以幫我們拍嗎 ? 男友直接說喜歡他多於H
(嘩, 我不敢在他們地盤說這些話!!)
J 細心幫我們安排行程和時間
景點路線都定好了
他還給我們一些溫馨小提士,
又說可以向公司替我們爭取多少少拍攝時間當賠償(賠償臨時換攝影師(&苦等一個小時?))

感覺
很好

希望跟佢合作愉快啦

倒數400天

今天stone要on call
所以沒有相約見面

但今天天氣很好
媽咪嚷著要進行戶外活動, 叫我帶她到南生圍
結果麻
我當然邀請元朗地頭蟲與我們同行, 順道充當我地的司機啦

吃了tea
已經4pm
也好... 太陽沒有1pm, 2pm 時那麼猛烈

這個天氣郊遊真的很舒適

晚上到了潮州腸粉
食物又有特色又便宜又好味

潮式煎五香肉卷、家鄉炒薯粉、蓮藕釀糯米、小米粿、蠔仔腸粉、反沙芋
埋單 $209 大元!!



簡單快樂的一天

P.S. 倒數400天!

攝影師離職...

今日收到一個有dd shocking 的news
就係White Chocolate 打比我
同我道歉, 話幫我地影相的Dicky離職了
聽說是他跟公司有些糾紛
即時終止了合約

枉我上星期知道係Dicky幫我影
開心左一陣, 因為bloggers 話佢係其中一個老闆, 影相好好

不過依家佢offer 另外兩個攝影師比我揀
我下星期二仲可以一次過見晒佢地兩個添
佢地兩個3月8號都有期

明明3月係pre wedding 旺季
點解有咁多攝影師available呢?!
點解無啦啦有老闆被終止合約呢?!
好似事又QK咁

點解我影pre wedding 輯輯都有d 阻滯gei 呢?!

希望之後一切都順順利利啦

情人節... 快樂?

這個情人節, 我不太快樂
我吃甚麼也可以, 在哪裡吃都可以
我只希望你花小小心思在我身上

我又不是要鮮花要電話要手袋要首飾
我只希望收到一張卡或一粒朱古力,
小小的心意, 我已經會感到心滿意足

但原來
這個希望是一個奢望...

生日 聖誕 情人節你都沒有為我準備禮物

是不是結婚前, (甚至以後)....

都...不會有?!



我知道
沒有禮物, 沒有大餐,
只兩口子簡簡單單在一起
平平淡淡也可以很幸福

但
女生
總是希望被人疼吧

Our Wedding Bands

昨天中午跟剛剛從澳洲回來的大佬食飯
差不多一年沒有見面
他說
回來後, 發現很多東西都不同了
說得也是
朋友們這一年, 結婚, 生小孩, 升職, 轉工...
我呢
有成長嗎?

傍晚
跟Stone再到Boucheron
終於終於可以試到我隻dream ring 喇
原來
呢一個款
香港店不會出售啊
巴黎headquarters 決定香港店只出售一粒鑽石的款式
不會出售三粒超迷你鑽石的款式
所以說
我這隻三石facette 是Boucheron回歸香港後, 第一隻和唯一一隻啊
店舖職員知道我很喜歡它 又一直等候Boucheron重開
特意為我從巴黎運一隻來港, 而且是我的Size (我沒有付過任何訂金或小費!!)

戴上手後
還是有點掙扎
單石還是三石好呢
看看價錢
嚇了我一跳!!
上年, 我查詢價格時, 明明是單石比三石貴啊
為甚麼現在三石比單石貴接近4千元!!! 明明三石的份數只有2份咁大把!! 單石有4份啊, double 喎...

但考慮過後
三粒小石的款式還是比較特別
而且我會是全香港唯一擁有的人啊(不計及2011年或之前的客戶, hahahahaa)
加上
我深信坊間不會模仿到這個款式
(之前在Ma Belle 看到跟Facette 十分相似的款, 但Ma Belle 說很難加石, 就算加, 亦只能夠加到一粒...)

於是麻
即使out-budget 還是選了它
多謝我的未~~~婚~~~~夫~~~~ 這麼寵我(我好像從來沒有這樣呼喚過他~哈哈)

嘩...
這對婚戒
比我一年前Boucheron香港店講關門時查詢的價格... 相差了6千元!!

千金難買心頭好麻....

而且婚戒是戴一生一世的

值得吧 (哈哈, 我自己說)



不過啊
今日我忍不住再打電話給Boucheron
因為我check 我之前搜尋的資料
台灣Boucheron的三粒小石的確比一粒便宜很多
後來
我得到回覆
說
現在台灣的三石亦比單石貴

好啦好啦
我好奇而已




開心開心
終於等到和買到我們喜歡的婚戒了

現在麻
便要想想刻甚麼字在婚戒上
可以刻英文, 原來也可以刻中文
中英文字體超過二十款

又要傷腦筋了

白行一趟

昨天收到Boucheron 電話
我們當然急不及待今日放工立即去試啦

我約了Stone 7:00pm 在中環等
但我5:00pm已放工了
想不到怎樣消磨時間才好

哈哈
後來很聰明地
我到了銅鑼灣蔡太的店
這是一個很好消磨時間的方法吧
順便買新內衣過新年

一等... 就等了一個半小時
結果我遲到了
7:15pm 才到中環

到達Boucheron門口
奇怪
為甚麼沒有守衛, 又沒有職員???
再看看
噢, 窗櫥全部都空空如也
正在迷茫之際
有一個職員向我地行過來
隔著門, 跟我們說, 他們已關門了
天啊, 他說他們的營業時間是10:30am 至 7:00pm!!
為甚麼昨天那個職員沒有提醒我
我有告訴她, 我放工過來試啊

唉
白行一趟....

好啦好啦
唯有過幾天再來

我的dream ring呀
等了你一年
我
好心急想見你的廬山真面目啊

A Day Filled with Good News

今天實在有太多令人興奮的好消息!!

首先
是我舊同事的女兒出世了
星期六才關心準媽咪緊不緊張, 因為她打算2月1號入院生BB
點知BB太心急, 今天已經同大家見面了

就在跟新任媽媽Whatsapp期間
Boucheron 的sales 打電話比我
說我一直夢寐以求的婚介終於到港了
她特意為我request 了我的size!!
由上年開始搵wedding bands, 已經喜歡它
但湊巧這品牌上年撤離了香港!!!
到年尾, Boucheron 終於回歸
又很可惜, 我喜歡的款式仍未於香港發售
一等再等....等了幾乎一年
我終於可以見到佢喇
聽日就去試
好期待

晚上
在facebook 看到同我結伴成長的表妹被男友求婚
我在電腦前差點尖叫了出來
實在太替她感到高興!!!
她男友很sweet 呢

這個表妹比我年少14天
小時候, 每個星期天她都會來我家接我返主日學
每星期都見面, 她是我最好的朋友最好的表妹 (雖然從小到大都是她照顧我, heehee)
但長大後
大家少了聯絡, 一年可能只見面一兩次
關係疏遠了很多
可是, 我仍然很關心很愛我這表妹

我打從心底, 為她找到幸福而感到快樂


2013年喜事一浪接一浪
就一於不要停下來吧
要將快樂延續下去, 直到永遠

Beauty Hera softcopies 到手

今日到Beauty Hera 拎soft copies
好期待
(明明已經睇過晒d 相... 哈哈, 不過好心急想快d 擁有佢地)

哈哈
心大心細gei 我, 決定將星期五決定的poster 相改另一張
連個staff 都話 "我記得你男朋友好鍾意原本o個張架喎"
哈哈, 不過最後都係我話事
yeah
揀左張我覺得靚的相
(本身o個張唔係唔好, 係幾cute, 個樣呆呆地....都幾得意gei )

Beauty Hera 的相雖然好standard, 但quality 很不錯呀
職員又細心, d 衫又靚, 效率又高
雖然只係酒樓送的package, 但一d 都唔馬虎
我地都好滿意 :)


拎完softcopies
就去旺角見CY Poon
CY Poon 是朋友介紹的big day photographer
見過佢d 作品, 都唔錯
好好地認真考慮下